માતૃભાષાનું મહત્વ મમળાવતા મોતી

• માતૃભાષા એ આપણી ઓળખ છે, માનો ખોળો છે.
• અમને અંગ્રેજીનું દાસત્વ નહીં,માતૃભાષાનું સ્વામિત્વ ખપે.
• પોતાની સંસ્કૃતિનું સત્વ પોતાની ભાષામાંજ પ્રગટ થાય
• પારકી ભાષાથી આપણું વ્યક્તિત્વ દીપે નહીં.
• ભાષા સંસ્કૃતિની વાહક હોય છે.
• માતૃભાષા પાડે સાદ, ગુર્જરભૂમિનો નિનાદ
• માતૃભાષા વ્યક્તિત્વનો પ્રાણ છે.
• આપણે સ્વભાષાનું ગૌરવ વધારવું છે અને ભણતરનો ભાર ઘટાડવો છે.
• વ્યક્તિ માતૃભાષા દ્વારા જ પોતાને શ્રેષ્ઠ રીતે અભિવ્યકત કરી શકે છે.
• માતૃભાષા એટલે બાળકને માતાએ આપેલી અણમોલ ભેટ.
• કોઈપણ રાષ્ટ્રનો વિકાસ પરભાષાથી થયો જોયો નથી.
• માતૃભાષા જ મનુષ્યને મૌલિકતા બક્ષે છે.
• સર્જનશીલતાનું ઉદ્ગમસ્થાન એટલે માતૃભાષા.
• પરભાષાએ શિક્ષિતવર્ગ અને પ્રજાવર્ગ એવા ભેદ સજર્યા છે.
• માતૃભાષાના આધાર પર જ અનેક ભાષાઓની ઈમારત ચણાય.
• વિશ્વના બધા મહામાનવો માતૃભાષાની આંગળી પકડીનેજ મહાન બન્યા છે.
• બાળકોના માનિસક વિકાસ માટે માતૃભાષા સ્વાભાવિક છે.
• માતા, માતૃભાષા અને માતૃભૂમિ આપણાં શ્રદ્ધાકેન્દ્રો છે.
• માતૃભાષાને માતાનું સ્થાન આપો…માસીનું નહીં.
• નાજુક બાળકને પરભાષાનું વિષ નહીં, સ્વભાષાનું અમૃત પાવ.
• ભાષા તો બધીજ ન્યારી, પણ માતૃભાષા લાગે અતિ પ્યારી.
• બાળકનો સહજ અને સ્વાભાવિક વિકાસ માતૃભાષાના વાતાવરણમાંજ થાય.
• સ્નેહ, સમજ અને સૌંદર્યનો ત્રિવેણી સંગમ એટલે માતૃભાષા.
• માતૃભાષાનો પાયો સંગીન હોય, સર્વ ભાષાઓનું જ્ઞાન સહજ હોય.
• ગ્રહણશીલ વ્યક્તિત્વનું નિર્માણ માતૃભાષા દ્વારાજ થાય.